ທາງການຢູເຄຣນຍອມຮັບວ່າ ຣັດເຊຍ ຢືດເມືອງເຊເວໂຣໂດເນສ ໄດ້ໂດຍສົມບູນແລ້ວ
ທາງການຢູເຄຣນຍອມຮັບວ່າຣັດເຊຍຢຶດເມືອງເຊເວໂຣໂດເນຕສກ໌ ໄດ້ໂດຍສົມບູນແລ້ວ ຫຼັງຕໍ່ສູ້ມາດົນຫຼາຍເດືອນ ຂະນະທີ່ເມືອງອື່ນໆ ໃນພາກຕະເວັນອອກກຳລັງຖືກກົດດັນຢ່າງໜັກ
ສຳນັກຂ່າວ ຊີເອັນເອັນ ລາຍງານວ່າ ນາຍໂອເລກຊານເດອຣ໌ ສະຕີອຸກ ຫົວໜ້າຝ່າຍກິດຈະການກອງທັບຂອງເມືອງເຊເວໂຣໂດເນຕສກ໌ (Severodonetsk) ຢືນຢັນໃນມື້ເສົາຣ໌ທີ່ 25 ມິຖຸນາ. 2565 ວ່າ
ເມືອງຍຸດທະສາດທາງຕະເວັນອອກຂອງຢູເຄຣນແຫ່ງນີ້ ຕົກຢູ່ໃນການຄວບຄຸມຂອງກອງທັບຣັດເຊຍໂດຍສົມບູນແລ້ວ ຫຼັງຈາກຕໍ່ສູ້ຢ່າງດຸເດືອດມາດົນຫຼາຍເດືອນ
ການເປີດເຜຍຂອງນາຍສະຕີອຸກເກີດຂຶ້ນຫຼັງຈາກເມື່ອມື້ສຸກກອງທັບທ້ອງຖິ່ນຂອງຢູເຄຣນອອກມາເປີດເຜຍວ່າ ໄດ້ສັ່ງການໃຫ້ກອງກຳລັງກລຸ່ມສຸດທ້າຍໃນເມືອງເຊເວໂຣໂດເນດສ໌ ອອກຈາກເມືອງແລ້ວ
ເນື່ອງຈາກເປັນໄປບໍ່ໄດ້ທີ່ປົກປ້ອງທີ່ມັ່ນຂອງພວກທ່ານຕໍ່ໄປໄດ້ ແລະເຮັດໃຫ້ເມືອງແຫ່ງນີ້ຕົກຢູ່ໃນມືຂອງຣັດເຊຍ ຊຶ່ງໝາຍຄວາມວ່າຕອນນີ້ແຄວນລູຮານ໌ຖືກຣັດເຊຍຄວບຄຸມໄດ້ເກືອບທັງໝົດແລ້ວ
ທັງນີ້ ເມືອງເຊເວໂຣໂດເນສກ໌ເຄີຍເປັນໜຶ່ງໃນຖານທີ່ມັ່ນສຸດທ້າຍບໍ່ຈັກແຫ່ງທີ່ກອງທັບຢູເຄຣນເຫຼືອໃນແຄວ້ນລູຮານສກ໌ ໂດຍນາຍເຊອຣ໌ຮີ ໄຮໄດ ຜູ້ວ່າແລະຜູ້ບັນຊາການກອງທັບແຄວ້ນໂດເນຕົດກົກລ່າວວ່າ
ກອງທັບຕັດສິນໃຈອົບຢົບເພາະຈຳນວນຜູ້ເສັຍຊີວິດໃນດິນແດນການປ້ອງກັນອາດເພີ່ມສູງຂຶ້ນທຸກມື້
ອີກດ້ານໜຶ່ງ ທີ່ເມືອງລິຊິຄານສກ໌ (Lysychansk) ເມືອງຄູ່ແຝດຂອງເມືອງເຊເວໂຣໂດເນຕສກ໌ ຊຶ່ງຕັ້ງຢູ່ອີກຟາກຂອງແມ່ນ້ຳ ກຳລັງຜະເຊີນແຮງກົດດັນທີ່ເພີ່ມຂຶ້ນຈາກກອງທັບຣັດເຊຍ
ຊຶ່ງຢຶດພື້ນທີ່ທາງໃຕ້ຂອງເມືອງໄປແລ້ວ ແລະຂະນະນີ້ກຳລັງປິດລ້ອມເມືອງເອົາໄວ້ ພ້ອມທາງດຳເນີນການໂຈມຕີທາງອາກາດ
ກອງທັບຢູເຄຣນເປີດເຜຍໃນມື້ວັນເສົາ໌ວ່າ ຣັດເຊຍຢັງຄົງພະຍາຍາມຕັດຂາດທາງຫຼວງຈາກເມືອງບັກຫ໌ມຸດ (Bakhmut) ໄປຢັງເມືອງລິຊິຄານສກ໌ ຂະນະທີ່ທະຫານຂອງພວກທ່ານຢຸດຢັ່ງການຣຸກຄືບຂອງທະຫານລາບຣັດເຊຍໃກ້ເມືອງໂວໂລດີມີຣິຟກາ
ຊຶ່ງຫ່າງຈາກທາງຫຼວງດັ່ງກລ່າວ 5 ກມ ໄດ້. ຢ່າງໃດກໍຕາມ ກອງທັບຢູເຄຣນຍອມຮັບວ່າ ທະຫານຣັດເຊຍຣຸກຄືບເຂົ້າໃກ້ເມືອງບັກຫມຸດໄດ້ອີກ 1 ກມແລ້ວ.
ຊົມຄລີບ