ຮູ້ເທົ່າບໍ່ເຖິງການ!.. ກໍລະນີ ແຫ່ຫາມນາງສາວ ອ້ອມພະທາດຫລວງ

ຄວນປະຕິບັດໃຫ້ຖືກຕ້ອງ ຕາມຮີດຄອງປະເພນີ ເດີ້ພີ່ນ້ອງເອີຍ..

*ອັດສະຈັນ ວັນນີ້… ພຣະທາດຫຼວງສະຫລອງສ້າງ ສັງມາໄປ ເປັນລາຍຕ່າງ

“ນາງ” ຜູ້ເພິ່ນ ບໍ່ໃດ້ສ້າງ ສັງມາໃດ້ ເເຫ່ຫາມ ຫຍັງເດນໍ ຂໍເເຖນ ຝົນຈາກຟ້າ ພາກັນເເຫ່ນາງເເມວ ຊັ້ນບໍ ຂໍໃຫ້ເເຖນ ຢູດຝົນ ປູກສີໄຄ ປາຍລົງພື້ນ ເປັນລື ?

ໝາຍເຫດ : ໃຜເປັນ ເຈົ້າການ ເເຫ່ຫາມນາງ…. ອ້ອມພຣະທາດຫລວງກົມມະລຽນ

ດັ່ງກ່າວ ດ້ວບຄວາມຮູ້ເທົ້າບໍ່ເຖິງ ດ້ວຍເຈດຕະນາ ຫລືບໍ່ ເຈດຕະນາກໍດີ ທີ່ໄດ້ທໍາພັ້ງພາດລ່ວງເກີນ ຮີດບ້ານ ຄອງເມືອງດັ່ງກ່າວ , ອັນເປັນທີ່ ສັກກະລະບູຊາ ນົບໄຫ້ວນັບຖື ເປັນສູນລວມຈິດໃຈສາມັກຄີ ອັນເປັນນຶ່ງດຽວ ຂອງປວງຊົນລາວ ທັງຊາດ ,

ຂ້າພະເຈົ້າ ຢາກຂໍຝາກ ໃຫ້ຜູ້ກ່ຽວ ຫລືພາກສ່ວນຮັບຜິດຊອບກ່ຽວ ຄວນມາ ສົມບັດສົມມາ ຄາລະວະ ຂໍອະໂຫສິກໍາ ນໍາເຈົ້າບ່ອນເຈົ້າທີ່ ສິ່ງສັກສິດ ນະທີ່ແຫ່ງນີ້ ເປັນສີ່ງທີ່ຄວນເຮັດ ຄວນທໍາ ເເກ້ກໍາໃຫ້ໂຕເອງ ໃຫ້ບ້ານເມືອງຢູ່ເຢັນເປັນສຸກ ຈະເລີນຮຸ່ງເຮືອງ ຮັ່ງມີສີວິໄລ ເປັນເລື່ອງດີທີ່ສຸດ ທີ່ຄວນອອກມາເເກ້ບະເເກ້ບົນ ເເລະຂໍອະໄພ ຕໍ່ພີ່ນ້ອງປວງຊົນລາວ…

ທີ່ມາ: ກຸນ ຈັນທະບຸບຜາ ວົງສາຣະວັນ Chandra Vongsaravanh

ລ່າສຸດ ຜູ້ຄິດຄອນເຊັບພິທີແຫ່ໄດ້ອອກມາຊີ້ແຈງວ່າ:

ຂໍອະນຸຍາດຊີ້ແຈງ ແລະ ຂໍສົມມາລາໂທດຈາກກິດຈະກຳແຫ່ຜາສາດເຜິ້ງຂອງມື້ວານນີ້ ເຊິ່ງພວກຂ້ານ້ອຍບໍ່ມີເຈຕະນາຈະຫຼົບລູ່ດູໝິ່ນສະຖານທີ່ແຕ່ຢ່າງໃດ

ເຮັດຂຶ້ນເພື່ອຫວັງຢາກຊ່ອຍສົ່ງເສີມວຽກງານສິລະປະ ແຕ່ກໍຖືວ່າອາດເປັນສິ່ງທີ່ບໍ່ເໝາະສົມໃນສາຍຕາຂອງສັງຄົມ ເລີຍຢາກຂໍກະຈ່າງແຈ້ງຊີ້ແຈງຕື່ມ

ເຊິ່ງກິດຈະກຳນີ້ແມ່ນເປັນກິດຈະກຳຂອງໄວໜຸ່ມທີ່ມັກຮັກໃນງານສິລະປະວັດທະນະທຳລາວ ທີ່ລວມກັນສ້າງຂຶ້ນຈາກການລະດົມແນວຄວາມຄິດໂດຍອ້າງອີງຈາກປະຫວັດສາດ ແລະ ວັນນະຄະດີລາວໃນອະດີດມາເປັນຂໍ້ມູນ ເພາະເຫັນວ່າບາງອັນກໍໄດ້ຊຸດໂຊມຫາຍໄປ

ເຊິ່ງການໃຊ້ສະລ່ຽງແມ່ນອ້າງອີງຈາກຂະບວນແຫ່ໃນອະດີດ ແລະ ການແຕ່ງກາຍແມ່ນອ້າງອີງຂໍ້ມູນຮູບປັ້ນຂອງນາງອັບສອນ ເຊິ່ງເປັນຮ່ອງຮອຍເສດເຫຼືອຈາກວັດຍອດແກ້ວ (ໂຮງຮຽນແພສາດດຽວນີ້)

ເຊິ່ງຖືວ່າເປັນວັດເກົ່າແກ່ທີ່ຖືກສ້າງຂຶ້ນໃນຍຸກລະຫວ່າງພຣະເຈົ້າໄຊເສດຖາເຖິງຍຸກພຣະເຈົ້າສຸລິຍະວົງສາ ແລະ ປັດຈຸບັນນີ້ຮ່ອງຮອຍເຫຼົ່ານັ້ນຖືກເກັບໄວ້ທີ່ຫໍພຣະແກ້ວ ເພື່ອເປັນການຮື້ຟື້ນງານສິລະປະດັ່ງກ່າວຢາກໃຫ້ຄົນຮຸ່ນໃໝ່ໄດ້ເຫັນເລີຍລົມກັນຈັດກິດຈະກຳຂຶ້ນ

ສຳລັບກິດຈະກຳວານນີ້ພວກຂ້ານ້ອຍພ້ອມດ້ວຍທີມງານຂໍນ້ອມຮັບດ້ວຍຄວາມຈິງໃຈເຖິງຄວາມຜິດພາດ ເຊິ່ງຈະບໍ່ເໝາະສົມກັບສະຖານທີ່ ແລະ ເວລາ ຈາກການແຫ່ຂອງວານນີ້ ໃນເວລາແຫ່ບໍ່ຮູ້ວ່າເພິ່ນເຮັດພິທີທາງສາສະໜາຢູ່ຂ້າງໃນ

ເພາະວ່າຕອນແຫ່ມາທາງເຈົ້າໜ້າທີ່ກໍປ່ອຍໃຫ້ເຂົ້າໄປ ຄິດວ່າເພິ່ນແຫ່ປົກກະຕິ ພາຍຫຼັງທີ່ແຫ່ໄປໄລຍະໜຶ່ງກໍເຫັນເພິ່ນກຳລັງເຮັດພິທີອີກຟາກໜຶ່ງກໍເລີຍໃຫ້ນາງງາມໄດ້ລົງຈາກສະລ່ຽງ ແລະ ໃຫ້ຍ່າງແຫ່ ຫຼັງຈາກນັ້ນກໍພາກັນອອກມາ

ເຊິ່ງພາບທີ່ເຫັນກໍເປັນພຽງບາງສ່ວນທີ່ບາງທ່ານໄດ້ບັນທຶກໄວ້ ເຊິ່ງມັນອາດບໍ່ເໝາະສົມ ອັນນີ້ຂໍນ້ອມຮັບຜິດດ້ວຍຄວາມຈິງໃຈ ນ້ອມຮັບທຸກຄຳຕຳໜິສົ່ງຂ່າວ ຈະຂໍນໍາໄປແກ້ໄຂໃນຈຸດທີ່ບົກພ່ອງ ແລະ ເປັນບົດຮຽນອັນໃຫຍ່ຫລວງໃນການເຮັດວຽກງານທາງດ້ານສິລະປະວັດທະນະທຳລາວ

ຂ້ານ້ອຍ ແລະ ທີມງານ ກາບຂໍຄະມາ ແລະ ຂໍອະໄພມານະທີ່ນີ້ດ້ວຍ