ເຂົ້າໃໝ່ນາປີອອກຈໍາໜ່າຍແລ້ວ ແຕ່ລາຄາເຂົ້າຍັງແພງ
ເຂົ້າໃໝ່ນາປີອອກຈໍາໜ່າຍແລ້ວ ແຕ່ລາຄາເຂົ້າຍັງແພງ ຄາດແກ່ຍາວຮອດເດືອນ 4 ປີ 2023
..
ລາຄາເຂົ້າໃນຕະຫຼາດຍັງບໍ່ຫຼຸດລົງ ເຖິງຈະມີການເລີ່ມຈໍາໜ່າຍເຂົ້ານາປີແລ້ວກໍຕາມ.
ໃນລະຫວ່າງເດືອນກັນຍາ ລາຄາເຂົ້າສານໜຽວສະເລ່ຍຢູ່ທີ່ 1,2 ແສນກີບ/ໝື່ນ ມາຮອດປັດຈຸບັນປະມານ 1,3 ແສນກີບ/ ໝື່ນ.
ຈາກລາຄາເຂົ້າທີ່ມີທ່າອ່ຽງ ເພີ່ມຂຶ້ນຕໍ່ເນື່ອງ ໃນວັນທີ 24 ຕຸລາ 2022 ພະແນກອຸດສາ ຫະກໍາ ແລະ ການຄ້າ ນະຄອນຫຼວງ ( ອຄ.ນວ )
ຮ່ວມກັບ ຜູ້ປະກອບການ ບໍລິສັດຄໍາແພງເພັດ ແຈ້ງສະຫວ່າງ ສົ່ງເສີມກາກະເສດ ຂາອອກ -ຂາເຂົ້າ ຈໍາກັດຜູ້ດຽວ ແລະ ກຸ່ມໂຮງສີເຂົ້າຢູ່ໃນ ນວ ຈຶ່ງໄດ້ຂາຍເຂົ້າລາຄາຊີ້ນໍາແຊກແຊງລາຄາຕະຫຼາດ.
ອີງໃສ່ສະພາບລາຄາເຂົ້າໃນໄລຍະ 6 ເດືອນຕົ້ນປີຢູ່ ນວ ເຫັນວ່າລາຄາເຂົ້າກິນໄດ້ມີການເຫນັງຕີງປັບຂຶ້ນຕໍ່ເນື່ອງ. ໃນນັ້ນ, ລາຄາເຂົ້າເປືອກຫນຽວ ສະເລ່ຍ 5.500 ກີບຕໍ່ກິໂລ ສົມທຽບໃສ່ປີ 2021 ເພີ່ມຂຶ້ນ 34,14%.
…
ເຂົ້າສານຫນຽວ ປະເພດ 2 ລາຄາສະເລ່ຍ 10.500 ກີບຕໍ່ກິໂລ ສົມທຽບໃສ່ປີ 2021 ເພີ່ມຂຶ້ນ 36,36% ອັນກ່ຽວເນື່ອງມາຈາກປັດໄຈລາຄານໍ້າມັນເຊື້ອໄຟ, ອັດຕາແລກປ່ຽນ, ລາຄາປຸ໋ຍ ແລະ ສະພາບເງິນເຟີ້.
ທ່ານ ນາງ ຈັນເພັງ ແສງທະວີ ປະທານບໍລິສັດ ຄໍາແພງເພັດແຈ້ງສະຫວ່າງ ສົ່ງເສີມການກະເສດຂາອອກ-ຂາເຂົ້າ ກ່າວວ່າ:
ມາຮອດປັດຈຸບັນລາຄາເຂົ້າຍັງບໍ່ມີທ່າອ່ຽງຫຼຸດລົງ ຄາດວ່າຈະສືບຕໍ່ສູງຂຶ້ນຈົນຮອດເດືອນ 3-4 ປີ 2023.
ທີ່ມາ: ໜັງສືພິມເສດຖະກິດການຄ້າ
#TargetMagazin