ສາມີ ຂອງນາງແນນຊີ ເພໂລຊີ ປະທານສະພາຜູ້ແທນລາດຊະດອນສະຫະຣັດ ຖືກສານຕັດສິນ ຈຳຄຸກແລ້ວ
ນາຍພອນ ເພໂລຊີ ໄວ 82 ປີ ຜົວຂອງນາງແນນຊີ ເພໂລຊີ ປະທານສະພາຜູ້ແທນລາດຊະດອນສຫຣັດ ຖືກສານຕັດສິນໂທດຈຳຄຸກ 5 ມື້
ລວມເຖິງສັ່ງປັບແລະຈ່າຍຄ່າຊົດເຊີຍເປັນເງີນ 6,800 ໂດລາ໌ໃນມື້ອັງຄານທີ່ຜ່ານມາ (23 ສີງຫາ.) ຫຼັງທ່ານຍອມຮັບສະລາພາບໃນຄະດີເມົາແລ້ວຂັບໃນເທດມົນຖົນນາປາ ຣັດແຄລິຟອຣ໌ເນຍ ຈົນນຳໄປສູ່ການເກີດອຸບັດເຫດລົດຕຳກັນ
ຢ່າງໃດກໍຕາມ ນາງອແມນດາ ເບວິນສ໌ ທະນາຍຄວາມສ່ວນຕັວຂອງນາຍພອນເປີດເຜີຍວ່າ ທ່ານບໍ່ຕ້ອງເຂົ້າຄຸກອີກ ເນື່ອງຈາກສານພິຈາລະນາວ່າທ່ານໄດ້ຊົດໃຊ້ໂທດໃນຄຸກໄປແລ້ວ 4 ມື້ນັບຕັ້ງແຕ່ຖືກຕຳລວດຈັບຕົວ ແລະສັ່ງໃຫ້ທ່ານບຳເພຍປະໂຫຍດເປັນເວລາ 8 ຊັ່ວໂມງແທນໂທດຈຳຄຸກທີ່ເຫຼືອອີກ 1 ມື້
ສຳນັກຂ່າວຮອຍເຕອຣ໌ລາຍງານວ່າ ນາຍພອນຖືກຈັບກຸມໃນຂໍ້ຫາຂັບລົດພາຍໃຕ້ລິດແອນກໍຮອຣ໌ (DUI) ຫຼັງເຈົ້າຫນ້າທີ່ຕຳລວດຕັ້ງຂໍ້ສົງໄສວ່າທ່ານອາດມີສ່ວນກ່ຽວຂ້ອງກັບອຸບັດເຫດລົດຕຳໃນຣັດແຄລິຟອຣ໌ເນຍເມື່ອເດືອນ ພືດສະພາທີ່ຜ່ານມາ
ໂດຍຕຳລວດຖະແຫລງວ່າ ນາຍພອນຂັບລົດປອຣ໌ເຊ່ີ ປະທະກັບລົດຈີ໊ບຄັນໜຶ່ງຂະນະພະຍາຍາມຂ້າມຖະໜົນທາງຫຼວງ ແຕ່ບໍ່ມີຜູ້ໄດ້ຮັບບາດເຈັບສາຫັດຈາກເຫດການເທື່ອນີ້
ລາຍງານລະບຸວ່າ ນາຍພອນຖືກສານສັ່ງຈ່າຍຄ່າຊົດເຊຍເປັນເງີນ 4,927 ໂດລາ ໌ໃຫ້ກັບຄູ່ກໍລະນີ ເພື່ອເປັນຄ່າຮັກສາແລະການສູນເສຍລາຍໄດ້ ແລະ ເສຍຄ່າປັບອີກ 2,000 ໂດລາ໌ ໂດຍນອກເໜືອຈາກບົດລົງໂທດຂອງສານແລ້ວ ກົມຍານຍົນຕ໌ຣັດແຄລິຟອຣ໌ເນຍຍັງໄດ້ລະງັບໃບອະນຸຍາດຂັບຂີ່ແລະຫ້າມນາຍພອນຂັບລົດເປັນເວລາ 1 ປີຈາກຄວາມຜິດຂອງທ່ານ
ຊົມຄລີບ
ທີ່ມາຂອງຂ່າວ: https://www.nbcnews.com/news/us-news/nancy-pelosis-husband-pleads-guilty-dui-charge-sentenced-5-days-jail-rcna44456