ຂ່າວຕ່າງປະເທດ

ຈີນກ່າວ ການລົງໂທດບໍ່ແມ່ນວິທີແກ້ໄຂບັນຫາສົງຄາມຢູເຄຼນ

ຈີນກ່າວວ່າ: ການລົງໂທດບໍ່ແມ່ນວິທີຖືກຕ້ອງໃນການແກ້ໄຂບັນຫາອູແກຣນ….ໂດຍແນ່ໃສ່ສະຫະພາບເອີຣົບວາງແຜນຈະເພີ່ມທະວີການລົງໂທດຣັດເຊຍ, ໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 6 ມິຖຸນານີ້, ທ່ານຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນກ່າວວ່າ:

ຄວາມຈິງໄດ້ຢືນຢັນໃຫ້ເຫັນແລ້ວວ່າ, ການລົງໂທດບໍ່ແມ່ນວິທີຖືກຕ້ອງໃນການແກ້ໄຂວິກິດການອູແກຣນ, ປະເທດຈຳນວນໜຶ່ງລົງໂທດຣັດເຊຍແບບບໍ່ຈຳແນກເປົ້າໝາຍ, ບໍ່ໄດ້ເຮັດໃຫ້ສະຖານະການອູແກຣນຜ່ອນຄາຍລົງແມ່ນແຕ່ໜ້ອຍດຽວ, ມີແຕ່ໄດ້ເຮັດໃຫ້ເອີຣົບແລະທົ່ວໂລກປະສົບກັບຄວາມເສຍຫາຍຢ່າງຫຼວງຫຼາຍເທົ່ານັ້ນ.

ຄຽງຄູ່ກັບການລົງໂທດຍົກລະດັບຂຶ້ນແລະສືບເນື່ອງຕໍ່ໄປ, ປະຊາຊົນຂອງປະເທດເອີຣົບອາດຈະໄດ້ຮັບຜົນກະທົບທາງລົບຫຼາຍກວ່າເກົ່າເຊັ່ນ: ໄພເງິນເຟີ້, ວ່າງງານແລະອື່ນໆ. ທົ່ວໂລກກໍຕ້ອງຜະເຊີນໜ້າກັບສິ່ງທ້າທາຍທົດສອບຕ່າງໆເຊັ່ນ: ວິກິດການພະລັງງານ, ວິກິດການສະບຽງອາຫານແລະອື່ນໆ.

ຈີນສະໜັບສະໜູນເອີຣົບຢືນຢູ່ບົນເສັ້ນທາງແຫ່ງສັນຕິພາບ, ສະຖຽນລະພາບແລະຜົນປະໂຫຍດຂອງຕົນ, ວາງນະໂຍບາຍການຕ່າງປະເທດທີ່ສອດຄ່ອງກັບຜົນປະໂຫຍດຂອງປະເທດເອີຣົບຢ່າງເປັນເຈົ້າຕົນເອງ, ສະໜັບສະໜູນເອີຣົບຕັ້ງໜ້າຊຸກຍູ້ການແກ້ໄຂວິກິດການທາງການເມືອງ, ຊຸກຍູ້ການສ້າງຂອບຄວາມໝັ້ນຄົງເອີຣົບທີ່ດຸນດ່ຽງ, ມີປະສິດທິຜົນແລະແບບຍືນຍົງໃນທີ່ສຸດ.

ທີ່ມາ: CRI

Related Articles

Leave a Reply

Your email address will not be published.

Back to top button
You cannot copy content of this page
Don`t copy text!
error: Alert: Content is protected !!