ຣັດເຊຍ ຈັດງານສະເຫລີມສະຫລອງວັນແຫ່ງໄຊຊະນະ
ຂປລ.ຕາມຂ່າວຈາກ ມົດສະກູ, ທ່ານ ວາລາດີເມຍ ປູຕິນ(Vladimir Putin), ປະທານາ ທິບໍດີ ຣັດເຊຍ ໄດ້ເຂົ້າຮ່ວມ ງານສະເຫລີມ ສະຫລອງ ວັນແຫ່ງໄຊຊະນະ(Victory Day) ຈັດຂຶ້ນ ໃນວັນທີ9 ພຶດສະພານີ້ ທີ່ໃຈກາງ ນະຄອນ ຫລວງ ມົດສະກູ
,,
ພ້ອມທັງ ໄດ້ກ່າວ ຄຳປາໄສ ບາງຕອນ ສຳຄັນວ່າ: ທະຫານ ຣັດເຊຍ ພວມຕໍ່ສູ້ ເພື່ອບ້ານເກີດ ແລະ ອະນາຄົດ ຂອງປະເທດຊາດ ການເສຍຊີວິດ ຂອງທະຫານ ແລະ ເຈົ້າໜ້າທີ່ ຣັດເຊຍ ທຸກຄົນແມ່ນໄດ້ສ້າງ ຄວາມເຈັບປວດ ໃຫ້ປະຊາຊົນ ຣັດເຊຍ.
ແຕ່ລັດຖະບານ ຈະເຮັດ ທຸກວິທີທາງ ເພື່ອເບິ່ງແຍງ ຄອບຄົວ ຂອງທະຫານ ແລະ ເຈົ້າໜ້າທີ່ ທີ່ເສຍຊີວິດ ໃນທາງທີ່ ດີທີ່ສຸດ.
,,
ແລະ ໃຫ້ກຽດ ແກ່ນັກຮົບເກົ່າ ໃນວັນໄຊຊະນະ ແມ່ນ ວັນທີ 9ພຶດສະພາ ຂອງທຸກໆປີ ເພື່ອລະນຶກເຖິງ ໄຊຊະນະ ຂອງຣັດເຊຍ ຕໍ່ພວກ ນາຊີ ເຢຍລະມັນ ໃນສົງຄາມໂລກ ຄັ້ງທີ 2.
ສຳລັບ ການໃຊ້ ປະຕິບັດ ການທະຫານ ໃນອູແກຣນ ເປັນປະຕິບັດການ ທີ່ຈຳເປັນ ແລະ ເກີດຂຶ້ນ ໃນເວລາ ທີ່ເໝາະສົມ.ນອກຈາກນີ້ ຍັງເລັ່ງແກ້ໄຂ ຫລາຍສິ່ງ ທ້າທາຍ ທີ່ເກີດຂຶ້ນ ໃນປັດຈຸບັນ..
ຊົມຄລີບ
(ພາກຂ່າວ: ຕ່າງປະເທດ)ຮຽບຮຽງຂ່າວໂດຍ: ສະໄຫວ ລາດປາກດີ