ປະໂທ້! ໂຮງງານ ຕັດຫຍິບ +80 ຄົນ
ວິເຄາະຂໍ້ມູນ ຕາມສະຖານທີ່ ເຮັດວຽກ, ສາຂາວິຊາຊີບຕ່າງໆ 253 ກໍລະນີ
1. ໂຮງງານ ມີ 90 ກໍລະນີ (ໂຮງງານເວີນເວີ: 9, ໂຮງ ງານຕັດຫຍິບຊາກຸລະ: 80)
2. ນັກຮຽນ/ນັກສຶກສາ ມີ 19 ກໍລະນີ (ນັກສຶກສາມຊ 1 ກໍລະນີ)
3. ຄ້າຂາຍ/ທຸກລະກິດສ່ວນຕົວ/ຮ້ານຂາຍເຄື່ອງ ມີ17 ກໍລະນີ (ຕະຫຼາດຫນອງພະຍາ: 1, ຕະຫລາດເຊົ້າ: 1 ,ຕະຫລາດສວນມອນ:1, ຮ້ານຈີນດາຫມີເປັດ: 1).
4. ພະນັກງານຫ້ອງການ (ເອກະຊົນ/ໂຄງການ) ມີ 4, ່ ກໍລະນີ (JB ການຄ້າ: 1, ບໍລິສັດ ST group: 1) :
5. ພະນັກງານລັດ ມີ 8 ກໍລະນີ (ກົມຊົນລະປະທານ:
6. ພະນັກງານຕໍາຫຼວດ ມີ 10 ກໍລະນີ (ກົມ 501: 1) ,
7. ພະນັກງານທະຫານ ມີ 8 ກໍລະນີ
8. ຂະແຫນງສາທາ ມີ 3 ກໍລະນີ (ໂຮງຫມໍມະໂຫສົດ 2, ໂຮງ ຫມໍກະເສມລາດ: 1)
9. ພະນັກງານຄູ: 1 (ສອນອອນລາຍ ໂຮງຮຽນປະຖົມໄຊ ຖາວອນ) .
10. ນັກໂທດ ມີ 3 ກໍລະນີ ຈາກຄ້າຍຄຸມຂັງນາໄຫ
11. ຫວ່າງງານ ມີ 16 ກໍລະນີ (ຜູ່ເຖົ້າ:2)
12. ເດັກນ້ອຍ ມີ 6 ກໍລະນີ
13. ອາຊີບອື່ນໆ ມີ 45 ກໍລະນີ
14. ບໍ່ລະບຸຂໍ້ມູນອາຊີບ ມີ 23 ກໍລະນີ
ຕາມແຈ້ງການຜ່ານມານີ້ ໂຮງງານຕ້ອງໄດ້ຮັບຜິດຊອບ ! ກະຊວງ (ອຄ) ແຈ້ງການ! ຫາກໂຮງງານໃດບໍ່ສາມາດປະຕິບັດມາດຕະການປ້ອງກັນໂຄວິດ ຕ້ອງຢຸດຕິກິດຈະການ
ແຈ້ງການເລື່ອງປະເມີນສະຖານທີ່ເຮັດວຽກຂອງໂຮງງານ ຫາກບໍ່ສາມາດປະຕິບັດມາດຕະການປ້ອງກັນໂຄວິດ ຕ້ອງຢຸດຕິກິດຈະການ
ໃນວັນທີ 29 ກັນຍາ 2021 ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ກະຊວງອຸດສາຫະກໍາ ແລະ ການຄ້າ (ອຄ) ໄດ້ອອກແຈ້ງການ ເລື່ອງການປະເມີນສະຖານທີ່ເຮັດວຽກຂອງໂຮງງານອຸດສາຫະກໍາໃຫ້ມີຄວາມປອດໄພ
ເພື່ອຕອບໂຕ້ການລະບາດຂອງພະຍາດໂຄວິດ-19 ເຊິ່ງລັດຖະມົນຕີກະຊວງອຸດສາຫະກຳ ແລະ ການຄ້າ ໄດ້ອອກແຈ້ງການໃຫ້ປະຕິບັດດັ່ງນີ້:
1. ໃຫ້ສືບຕໍ່ເຜີຍແຜ່ ແລະ ເພີ່ມທະວີການປະຕິບັດມາດຕະການສະກັດກັ້ນ, ຄວບຄຸມ ແລະ ກຽມຄວາມພ້ອມຮອບດ້ານ ເພື່ອຕ້ານພະຍາດໂຄວິດ-19 ຕາມຄໍາສັ່ງເລກທີ 15/ນຍ, ລົງວັນທີ 21 ເມສາ 2021 ແລະ ແຈ້ງການຂອງຄະນະສະເພາະກິດ ສະບັບເລກທີ 4303/ສພັກ, ລົງວັນທີ 17 ກັນຍາ 2021 ກ່ຽວກັບການປະເມີນສະຖານທີ່ເຮັດວຽກໃຫ້ມີຄວາມປອດໄພ ເພື່ອຕອບໂຕ້ການລະບາດຂອງພະຍາດໂຄວິດ-19.
2. ໂຮງງານອຸດສາຫະກໍາຕ້ອງມີຄວາມພ້ອມ ແລະ ຄວາມສາມາດໃນການຈັດຕັ້ງປະຕິບັດບັນດາມາດຕະການປ້ອງກັນການລະບາດຂອງພະຍາດໂຄວິດ-19. ໃຫ້ໂຮງງານສ້າງ ແລະ ປະຕິບັດແຜນປ້ອງກັນ ແລະ ສະກັດກັ້ນການລະບາດຂອງພະຍາດໂຄວິດ-19 ຂອງຕົນ ບົນພື້ນຖານ 10 ຂໍ້ ຄວນປະຕິບັດ ຕາມແບບຟອມການປະເມີນສະຖານ
ທີ່ເຮັດວຽກໃຫ້ມີຄວາມປອດໄພ ເພື່ອຕອບໂຕ້ການລະບາດຂອງພະຍາດໂຄວິດ-19 ທີ່ກໍານົດໃນແຈ້ງການຂອງຄະນະສະເພາະກິດ ສະບັບເລກທີ 4303/ສພັກ, ລົງວັນທີ 17 ກັນຍາ 2021.
3. ໃຫ້ກົມອຸດສາຫະກໍາ ແລະ ຫັດຖະກຳ, ພະແນກອຸດສາຫະກໍາ ແລະ ການຄ້າ ແຂວງ, ນະຄອນຫຼວງວຽງຈັນເປັນເຈົ້າການປະສານສົມທົບກັບຄະນະສະເພາະກິດຂັ້ນແຂວງ ແນະນໍາການຈັດຕັ້ງປະຕິບັດ ມາດຕະການ ແລະ ດຳເນີນການປະເມີນການປະຕິບັດຂອງບັນດາໂຮງງານຕາມ 10 ຂໍ້ຄວນປະຕິບັດ ດັ່ງກ່າວ.
4. ໃນໄລຍະດໍາເນີນການຜະລິດ ຫາກໂຮງງານບໍ່ສາມາດປະຕິບັດບັນດາມາດຕະການຕ່າງໆ ທີ່ໄດ້ກຳນົດໄວ້, ໂຮງງານຕ້ອງຢຸດດໍາເນີນກິດຈະການ. ຖ້າມີການລະບາດຂອງພະຍາດໂຄວິດ-19 ຢູ່ພາຍໃນໂຮງງານ ຫຼື ຫໍພັກຂອງໂຮງງານ, ໂຮງງານຕ້ອງໄດ້ຮັບຜິດຊອບຕໍ່ການລະບາດ ຂອງພະຍາດໂຄວິດ-19 ບົນພື້ນຖານ ກົດໝາຍ ແລະ ລະບຽບການ ກຳນົດ
5. ໃຫ້ພະແນກອຸດສາຫະກໍາ ແລະ ການຄ້າ ແຂວງ, ນະຄອນຫຼວງວຽງຈັນ ສະຫຼຸບລາຍງານຜົນການຈັດຕັ້ງປະຕິບັດແຈ້ງການສະບັບນີ້ ສົ່ງມາຍັງກົມອຸດສາຫະກຳ ແລະ ຫັດຖະກຳ ເປັນແຕ່ລະໄລຍະ ເພື່ອສືບຕໍ່ລາຍງານກະຊວງ ແລະ ລັດຖະບານ.
